Подарок под новогодишната елка: дневен крем за избелување на флеките и дамките од лицето Eclat на Gamarde
Здраво драги мои,
како што може да видите наградите продолжуваат и овојпат ред е на француската козметичка куќа Gamarde, која на еден среќен читател ќе му го додели органскиот дневен крем Eclat кој ефикасно ги намалува флеките и дамките на лицето и ја спречува нивната појава. Јас самата го користев овој крем за време на летниот период, така да можам лично да гарантирам за неговата ефикасност и квалитет. Ајде најнапред да ја разгледаме декларацијата на овој производ.
INGREDIENTS : Aqua (Water), coco-caprylate/caprate, Helianthus annuus (Sunflower) seed oil*, Arctostaphylos uva ursi (Bearberry) leaf extract*, sucrose distearate, parfum (Fragrance), Glycerin, sucrose stearate, cetearyl alcohol, Gamarde aqua (Gamarde Water), Glycyrrhiza glabra (Licorice) root extract*, glyceryl stearate citrate, Glycine soja (Soybean) oil*, Argania spinosa (Argan) kernel oil*, glyceryl caprylate, Malpighia punicifolia (Acerola) fruit extract*, Maltodextrin*, tocopherol, Bisabolol, Citrus aurantium amara (Bitter Orange) leaf/twig oil*, Pelargonium graveolens (Rose Geranium) flower oil*, Lavandula hybrida (Lavandin) oil*, Cymbopogon martini (Palmarosa) oil*, Achillea millefolium (Yarrow) oil, Carum petroselinum (Parsley) seed oil, Cinnamomum camphora bark oil, Gaultheria procumbens (Wintergreen) leaf oil*, Daucus carota sativa (Carrot) seed oil, Apium graveolens (Celery) seed oil, Ocimum basilicum (Basil) oil*, xanthan gum, citric acid, citral, citronellol, farnesol, geraniol, limonene, linalool.
*ingrédient d’origine Biologique
Од самата декларација може да видиме дека станува збор за еден производ во кој максимално е искористена моќта на природата и билките во лечењето на флеките на кожата. Оваа формула Gamarde ја има патентирано како GWE (Gamarde White Effect). На четврта позиција (како база на самата крема) се наоѓа една многу важна и екстремно ценета билка, екстрактот од мечкино грозје (или во декларацијата Arctostaphylos uva ursi (Bearberry) leaf extract), која има голема избелувачка моќ, благодарение на состојката наречена арбутин присутна во неа. Во оваа крема таа одлично е искомбинирана со витаминот Ц (во декларацијата ќе го најдете како Acerola), така да, овој производ освен избелувачко има и огромно антиоксидантно дејство врз самата кожа. Екстрактот од мечкино грозје во својата функција е потпомогнат од прекрасната комбинација на етерични масла како босилек, целер, лаванда, горчлив портокал и зимзелена кои имаат антибактериско и омекнувачко влијание врз самата кожа. Како масла присутни се сончогледово, арганово и масло од соја, кои одлично се избалансирани од страна на глицеринот, термалната вода од Гамард и една состојка која се нарекува coco-caprylate/caprate, така да оваа крема лесно се впива, не го масти лицето и не остава масна трага, а истовремено перфектно ја хидрира и храни кожата. Структурата е кремасто - флуидна и лесно се нанесува на кожата. Оваа крема се нанесува наутро, на убаво исчистено лице.
Најнапред би сакала да кажам дека сум гледала навистина многу креми кои се специјално наменети за избелување на кожата, меѓутоа верувајте ми ниедна немала толку ефикасни состојки на толку висока позиција во декларацијата (многупати ви имам објаснето дека колку една состојка е повисоко во декларацијата толку нејзиното присуство е поголемо во самата крема). Обично сум гледала креми на чија опаковка пишува крема со оваа или онаа состојка, а кога ќе свртам да ја разгледам декларацијата, рекламираната состојката е на крајот од листата (некаде под 1% од целокупниот производ, ни трага ни глас од неа). Овде како што можевте да видите важни состојки како екстрактот од мечкино грозје се наоѓа на четврто место, состојки како арганово масло, витамин Ц, витамин Е и други, се наоѓаат на средина на кремата. Присуството на етеричните масла не е преголемо и одлично избалансирано што е квалитет плус, со оглед на тоа што кога станува збор за етеричните масла не треба да се претерува и тука важи правилото помалку е повеќе. Токму поради малото присуство на етеричните масла и одличната избалансираност со останатите состојки во фомулата, оваа крема може слободно да ја употребуваат и трудниците без никаков ризик или страв. Токму овде се гледа умешноста на тимот на Гамард, кој успеал да создаде крема која е сигурна и за идните мајки. Друга многу важна информација е фактот што без разлика на тоа што кремава се базира на состојки кои имаат високо избелувачко, антибактериско и омекнувачко дејство, ниедна од состојките не е фотонестабилна. Ете зошто се одлучив да ја користам за време на летниот период, инаку не би се ни осмелила да користам крема со фотонестабилни состојки кои во контакт со сонцето би предизвикале уште повеќе флеки и дамки на лицето.
Како што веќе ви нагласив, лично го имам користено овој производ со останатите два производи од истата колекција. Оваа колекција по правило се користи од октомври до март месец, затоа што има за цел да на некој начин ја подготви кожата за летниот период, меѓутоа верувајте ми си реков, ако овие производи успеат да ги намалат флеките кои секоја година ми се појавуваат за време на летото и да ја спречат појавата на нови, тогаш од мене има чиста 10-ка. Епа токму така и беше, од мене оваа колекција има чиста 10-ка.
Доколку имате кожа која е склона кон флеки или темни дамки и сте пробале многу производи без да го добиете саканиот резултат, во тој случај кремава е токму за вас. Сѐ што треба да направите за да ја освоите оваа крема која Gamardе великодушно ви ја подарува е да оставите ваш коментар под текстот кој може да се однесува на производите на Gamarde доколку ги имате пробано, или пак на вашиот начин на нега на кожата и справување со флеките на лицето. Имате време од недела дена да оставите ваш коментар (до среда 23 декември до 20 часот). Среќниот добитник ќе биде избран по случаен избор.
Со среќа на сите.
Вики
Веќе година и половина како се префрлив на органска козметика, но сеуште немам пробано од линијата на Гамарде, а баш би сакала и бидејќи имам флеки од сонце на надусниците мислам дека овој крем би бил идеален.Поздрав
ReplyDeleteЈас имам голем проблем со акните, додека да помине една друга испаѓа и нема крај а потоа флеки..Акните се управија но флеките стоат.Не ми помогнало ништо до сега.Имам користено различни креми за избеливање на флеки но ако редовно ставам кожата ненормално ми се мрси и потоа пак истиот проблем акни. И така овој вечен проблем.Би била многу среќна да имам можност да ја пробам оваа крема. Позравв
ReplyDeleteOvaa krema bi bila dobra za majka mi koja ima fleki na liceto, a voedno i dobar novogodisen podarok za nea.
ReplyDeleteБи сакала да ја пробам и да се уверам во квалитетот на оваа марка :)
ReplyDeleteДо сега немам користено крема за избелување на дамки на лицето, но сега како последица на акни имам доста флеки по лицето. според погоре прочитаното мислам дека оваа крема би го решила мојот проблем, би можела да ја пробам.
ReplyDeleteNemam koristeno vakov proizvod, no definitivno bi mozela da go isprobam... stom zasluzuva desetka :) Mene mi e ohrabruvacki momentot deka stiti od stvaranje novi fleki!
ReplyDeleteЈас моите флеки ги третирам со шеа путер, кој го нанесувам 2 пати дневно, на исчистено лице. Можеби сум субјективна бидејќи посакувам да е така, но ми се чини дека се малку избледени и намалени. Секако, потребно е време и истрајност за поголеми резултати.
ReplyDeleteПоздрав
Ne sum koristela nisto dosega od Gamarde,no ova bi sakala da go probam :)
ReplyDeleteThis comment has been removed by the author.
ReplyDeleteBas bi sakala da probam sum gi probala site kremi za izbeluvanje no nikakov rezultat ne sum dobila
ReplyDeleteOrganskata kozmetika sekogas e najdobra pa se nadevam deka i vasite proizvodi ke me uverat vo toa.kako sto blizam kaj 40 god.se poznavaat nekoi fleki koi sakam da isceznat i da se dokazi deka proizvodite sto se reklamiraat na internet ne sekogas se lazni.blagodaram dokolku me izberete i pozdrav
ReplyDeleteНавистина би сакала да ја пробам оваа крема бидејќи имам многу флеки од акни а и не се сомневам во квалитетот на кремата кога Биодевојка ја препорачува.
ReplyDeleteПо случаен избор со апликацијата рандом избран е седмиот коментар, односно оној на Наташа. И честитам и ја поканувам да ме исконтактира по приватна порака за подигнување на наградата.
ReplyDelete