Alverde Smoothie: кој е вашиот омилен овошен вкус за ова лето?

Здраво драги мои,

Во овие навистина жешки денови има ли поубаво од освежителниот вкус на едно здраво и овошно смуди? Јас обично го правам наутро на гладно срце и ставам повеќе видови на свежо овошје или понекогаш и зеленчук. Вистинска витаминска бомба за добросостојбата и здравјето на организмот.


Меѓутоа ова лето, за среќа, и кожата може да добие едно смуди, благодарение на новата прекрасна колекција на Alverde Smoothie, која не само што мириса неодоливо (ќе ви доаѓа да изедете дел од производите), туку одлично ја освежува и негува кожата.

Во оваа статија ќе ви ги претставам токму производите од оваа линија и ќе ви кажам кои се моите омилени за ова лето.

Гел за туширање Green Smoothie со органско киви и круша

Ова е дефинитивно првиот омилен производ за ова лето кога станува збор за производи за туширање. Има навистина прекрасен мирис на круша помешано со киви и огромно освежувачко дејство врз кожата. Доколку сакате правилно да го започнете денот со многу елан, тогаш ви го советувам овој гел. Ги буди сетилата и ви ја дава потребната енергија во текот на целиот ден.  Има фантастична деклрација која ќе ја разгледаме заедно: 

INCI: Water / Aqua ,  Glycerin,  Coco-Glucoside,  Sodium Coco-Sulfate,  Lauryl Glucoside,  Sodium Chloride ,  Sucrose,  Actinidia Chinensis (Kiwi) Seed Oil ,  Pyrus Communis (Pear) Fruit Extract,  Tocopherol,  Ascorbyl Palmitate,  Lecithin,  P-Anisic Acid,  Citric Acid,  Disodium Cocoyl Glutamate,  Sodium Cocoyl Glutamate,  Levulinic Acid,  Glyceryl Oleate,  Sodium Sulfate,  Sodium Levulinate,  Sodium Hydroxide,  Hydrogenated Palm Glycerides Citrate,  Parfum / Fragrance,  Benzyl Alcohol

Како што може да забележите од декларацијата после водата имаат ставено глицерин па три навистина деликатни сурфактанти кои се одлично искомбинирани. Ова е базата на производот и тоа одлична база која воопшто не ја суши кожата и погодна за чести миења. Потоа има масло од киви, екстракт од круша и други состојки како на пример лецитин и останати нежни сурфактанти, кои ја збогатуваат структурата и го подобруваат ефектот на овој гел за туширање.  

Како што реков благодарение на благата формула, овој гел е идеален за често туширање. Кожата ја остава многу мека и миризлива. Има проѕирна гел структура, а верувајте мирисот ќе ве освои. Навистина мириса како да сте направиле смуди.

Гел за туширање  Pink Smoothie со органски грејпфрут и питаја

Овој гел за туширање како состав е многу сличен на оној со киви и круша. Формулата е блага и одлична за кожата, единствено нешто што се менува се екстрактите. Овде има екстракт од грејпфрут и питаја кои на производов му даваат свеж цитрусен мирис. Еве погледнете ја декларацијата.

INCI: Water / Aqua ,  Glycerin,  Coco-Glucoside,  Sodium Coco-Sulfate,  Lauryl Glucoside,  Sodium Chloride ,  Sucrose,  Citrus Paradisi Fruit Extract ,  Hylocereus Undatus Fruit Extract,  Tocopherol,  Ascorbyl Palmitate,  Lecithin,  P-Anisic Acid,  Citric Acid,  Disodium Cocoyl Glutamate,  Sodium Cocoyl Glutamate,  Levulinic Acid,  Glyceryl Oleate,  Sodium Sulfate,  Sodium Levulinate,  Sodium Hydroxide,  Hydrogenated Palm Glycerides Citrate,  Parfum / Fragrance,  Benzyl Alcohol

Исто како и претходниот, и овој гел е одличен за честа употреба и кожата ја остава многу мека, миризлива и авежа. Кожата воопшто не затега и нема да ја чувствувате сува.

Лосион за нега на кожата White Smoothie со органски кокос и бадем

Овој лосион за тело е дефинитивно мојот најомилен производ за ова лето. Ќе си го користам во комбинација со гелот од киви. Не може да ви опишам каков прекрасен мирис на кокос има. Иако го нанесов наутро по туширање, се чувствуваше во текот на целиот ден (знаете колку е убаво кога ќе си ја мирисате кожата и ви мириса баш онака како што сакате вие). Мене мирисот на кокос ми е омилен, ме потсетува на плажа, на лето и мислам дека е полн погодок за оваа летна сезона.

Ајде да ја разгледаме декларацијата и на овој производ. 

INCI: Aqua, Alcohol*, Glycerin, Helianthus Annuus Seed Oil*, Glyceryl Stearate Citrate, Glycine Soja Oil*, Coco-Caprylate, Cetearyl Alcohol, Myristyl Myristate, Cocos Nucifera Fruit Extract*, Prunus Amygdalus Dulcis Oil*, Butyrospermum Parkii Butter*, Helianthus Annuus Seed Oil, Tocopherol, p-Anisic Acid, Xanthan Gum, Levulinic Acid, Sodium Levulinate, Sodium Hydroxide, Parfum**, Linalool**, Geraniol**, Benzyl Benzoate**, Benzyl Cinnamate**, Benzyl Alcohol**. *ingredients from certified organic agriculture**from natural essential oils

Како што може да забележите од декларацијата, овој лосион има многу лесна структура, благодарение на глицеринот на трета позиција и лесните масла како сончогледовото масло и маслото од соја. Овие две масла одлично се искомбинирани со бадемово и кокосово масло и шеа путер.  Благодарение на оваа уникатна формула производов одлично хидрира и омекнува, а воопшто не масти и не ја отежнува кожата. Ова е токму тоа што и е потребно на самата кожа во овој летен период кога под дејство на жешкото кожата не трпи многу тешки производи.

Одличен е и како производ за нега на кожата по сончањето, затоа што комбинацијата на масла со шеа путерот одлично ја негуваат кожата, а глицеринот ја хидрира и омекнува.

Освежувачки спреј за тело Yellow Smoothie со лимон и ѓумбир

Овој освежувачки спреј за тело е најинтересното нешто кое може да ви го препорачам за ва лето.  Одлично освежува и може да го користите сам или над вашиот вообичаен крем. Исто така одличен е да го користите и како освежувач после цел ден на плажа.

Ајде најнапред да ја разгледаме декларацијата

Aqua, Alcohol, Glyceryn, Zingiber Officinale Rot Extract, Citrus Medica Limonum Peel Oil, Glyceryl Caprylate, Capryryl Capryl /Wheat Brain/Straw Glycosides, Fusel Wheat/Straw Glycosides, Polyglyceryl 5 Oleate Sodium Cocoyl Glutamate, Sodium Lactate, Lactic Acid, Parfum, Limonene, Geraniol, Citral, Linalool, Citronellol, Benzyl Salicylate

Структурата е лесна спреј која веднаш се суши врз кожата (не ја остава водена) благодарение на алкохолот на втора позиција кој му помага на производот побрзо да испари. Благодарение на глицеринот, кожата е хидрирана. Потоа содржи екстракт од ѓумбир и масло од кора на лимон. Со оглед на тоа што маслото од лимон е фотонестабилно, би ви препорачала секогаш да ја заштитите кожата со крем со заштитен фактор кога се изложувате на сонце.

Овој спреј е одличен  по туширање или на пример после плажа (по измивањето на кожата) кога сакате да ја освежите кожата, без да ја отежните. Мирсот е навистина многу свеж и пријатен.За додатна свежина може да го чувате во фрижидер.

Хранлив крем за раце Violet Smoothie со смоква и бозел

Овој крем премногу ми се допаѓа затоа што е многу лесен како структура и веднаш се впива. Летно време особено преку ден избегнувам многу тепки креми (најчесто кремите за раце ги користам навечер пред спиење). Пријатната лесна структура на овој крем (сепак доста хранлива благодарение на состојките за кои подоцна ќе зборуваме) е како создадена баш за во летото или пак доколку не сакате многу тешки креми.

Еве ја декларацијата на овој производ 

INCI: Water / Aqua ,  Helianthus Annuus Hybrid Oil,  Glycerin ,  Cocos Nucifera (Coconut) Oil,  Alcohol,  Cetearyl Alcohol,  Glyceryl Stearate Citrate,  Dicaprylyl Ether,  Sambucus Nigra (Elder) Fruit Extract,  Ficus Carica (Fig) Fruit Extract ,  Tocopherol a,  Glyceryl Stearate,  Hydrated Silica,  Xanthan Gum,  Parfum / Fragrance,  Sodium Benzoate,  Citric Acid,  Benzyl Benzoate,  Benzyl Alcohol

Структурата на кремов е многу лесна и содржи убави масла како кокосово, сончогледово, витамин Е, потоа глицерин и екстракти од смоква и бозел. Еве погледнете ја стуктурата на самиот производ

Кожата веднаш го впива овој крем кој ја остава убаво хидрирана и нахранета. Може слободно да го нанесете кога и да имате потреба, повеќепати во текот на денот.

Драги мои, се надевам дека и оваа статија ви се допадна.

Кој од овие овошни смуди е вашиот омилен за ова лето?

Поздрав

Вики