Убави „преку ноќ“ со ноќните третмани на Натура Сиберика

Здраво драги мои,

фразата “сон за убавина (beauty sleep)“ не е само изрека. Добриот сон е од основна важност за изгледот, здравјето и убавината на нашата кожа. Многу функции на човековиот организам се стимулирани и синхронизирани од циклусот на дневен и ноќен ритам, па така и кожата. Преку ден сме будни ние, меѓутоа навечер кога ќе си легнеме, нашата кожа се буди и е активна во текот на целата ноќ. Разни козметички куќи имаат различно мислење за тоа дали е потребно да се користат ноќни производи за нега на кожата.

Јас сум за една златна средина. На 20 години сигурно немаме потреба од ноќни третмани, маски и креми, меѓутоа од 35-та па нагоре состојбата е поинаква, и во тој случај овој тип на производи може да бидат од огромна корист. Лично, ги обожавам производите за ноќна нега на кожата и на 41 година сметам дека се неопходни за убавината и еластичноста на самата кожа.

Во насловот напишав убави “преку ноќ“ меѓутоа не затоа што производиве даваат резултати преку ноќ (за сѐ е потребно време), туку затоа што буквално делуваат преку ноќ и наутро се будите со убава и сјајна кожа. Секако, со редовна употреба и со текот на времето ќе забележувате како вашата кожа се менува и станува сѐ поубава и поздрава.

Во оваа статија ќе ви ги претставам двете маски за ноќна нега на кожата и третманот околу очи од марката Натура Сиберика. Ова може да претставува еден мал ноќен СПА третмaн, кој може да го правите двапати неделно. Многу се практични за употреба, не се измиваат, туку се оставаат да делуваат на кожата во текот на ноќта.

Ајде најнапред да видиме како всушност функционираат овој вид на маски, односно што е тоа што ги прави толку посебни и неопходни за нега на кожата.

Ноќните маски како производ постојат од поодамна, иако во последниот период станаа сѐ попопуларни. Овој тип на производи во својот состав содржат голем број на активни состојки и според типот и намената имаат за цел да го подобрат аспектот, структурата и изгледот на нашата кожа. Како што кажав нашата кожа се “буди“ преку ноќ и според многу експерти најдобро се регенерира во периодот помеѓу полноќ и 4 часот изутрина.

Некој од вас ќе се запраша која е разликата помеѓу ноќен крем и ноќна маска? Дали навистина има потреба од ноќни маски? Разликата е во тоа што кремот е формулиран да секојдневно ја снабдува кожата со потребните состојки (врз база на типот на кожата), да ја оддржува правилната хидратација и да ја потпомага регенерацијата во текот на ноќта. Кремот се користи секоја вечер.

Маската од друга страна, како производ е многу поконцентрирана од самиот крем, има погуста и помасна структура и потребно е повеќе време кожата да ја впие. Не се нанесува секојдневно туку двапати неделно (според мене двапати неделно е идеално) и благодарение на поголемиот концентрат на активни состојки дава еден вид на дупла доза на витамини, минерали на самата кожа, односно има двојно дејство од она на самиот крем. Токму затоа не се нанесува секојдневно.

Во зависност од типот и намената, ноќните маски имаат двојно анти ејџ дејство, двојно хидратантно дејство, двојно хранливо дејство, двојно затегнувачко дејство итн. Мора да напоменам дека како производ ги препорачувам за повозрасна , нормална до сува кожа. Доколку имате многу масна кожа, не би ви препорачала ноќна маска, барем не овие две, со оглед на тоа што се многу хранливи и помасни како производ. Меѓутоа за повозрасна, дехидрирана кожа или пак кожа без сјај и со брчки, овие маски се од огромна помош и според мене неизбежни. Знам дека сте нетрпеливи па затоа ќе започнам со претставување на секоја од нив.

1. Ноќна анти ејџ маска за лице 

Започнувам со мојата омилена маска за лице, просто ја обожавам. Дефинитивно најдобриот производ кој досега го имам пробано за ноќна нега. Наменета е за повозрасна кожа, или пак за нормална до сува кожа која покажува знаци на предвремено стареење. Има преубава структура, потешка како производ, меѓутоа убаво се размачкува врз кожата и ја прави неверојатно еластична, мека, сјајна и свиленкаста. Јас имам комбинирана кожа и на деловите како челото наутро се будам со повеќе масно чело од нормално, токму и затоа ви велам дека е повеќе наменета за нормална накај сува кожа.

Ingredients : Aqua, Melilotus Albus Flower/Leaf/Stem Extract*, Glycerin, Helianthus Annuus Seed Oil*, Octyldodecanol, Cetearyl Alcohol, Glyceryl Stearate, Caprylic/Capric Triglyceride, Butyrospermum Parkii Butter*, Glyceryl Linoleate, Glyceryl Oleate, Glyceryl Linolenate, Flavocetraria Nivalis WaterWH ¬ *, Linum Usitatissimum Seed Oil*, Pinus Sibirica Seed OilWH*, Hippophae Rhamnoides Fruit Oil*, Tocopherol, Scutellaria Baicalensis Root Extract*, Eleutherococcus Senticosus Root ExtractWH*, Schizandra Chinensis ExtractWH*, Rhododendron Adamsii Leaf/Stem ExtractWH*, Dasiphora Fruticosa ExtractWH, Sodium Hyaluronate, Sodium Stearoyl Glutamate, Xanthan Gum, Benzyl Alcohol,Dehydroacetic Acid, Sodium Benzoate, Potassium Sorbate, Citric Acid, Parfum, CI 77491, Limonene, Citral, Citronellol, Linalool.

По водата, на втора позиција има екстракт од една билка која на македоснки ја најдова како бела комукника, па потоа глицерин. Вака гледајќи ја формулата најнапред помислив дека станува збор за лесен производ, меѓутоа сфатив дека процентот на глицеринот сигурно е околу 5 до 6% типично во производите за нормална до сува кожа. Изборот на масла е феноменален, присутни се масла со различна густина: сончогледово масло (средно масло), масло од лен (потешко масло), каприлик каприк (лесно масло), во комбинација со шеа путер, емулгатори и згуснувачи на производот. Она што е важно да го напоменам се екстрактите во овој производ (екстракт од бор, екстракт од снежна кладонија) кои во комбинација со хијалуронската киселина се специјално наменети како анти ејџ нега на кожата.

Се нанесува навечер на убаво исчистена кожа и не се плакне. Мој совет ви е да ја нанесете наместо крем: измијте ја кожата , испрскајте тоник и нанесете серум за лице. Потоа наместо крем, нанесете од оваа маска. Јас не ставам премногу дебел слој, ставам нешто повеќе од обичен крем и убаво работам додека кожата да го впие. Потоа правам масажа со ролер (на крајот од оваа статија ќе ви оставам и кратко видео каде ќе ви покажам како ги користам овие производи).

2. СОС омекнувачка ноќна маска

Втората маска која сакам да ви ја претставам има огромно омекнувачко и хранливо дејство врз кожата и е идеална за чувствителна кожа која има потреба од додатно хранење и хидратација. Има неверојатно омекнувачко дејство врз кожата и е спас за сите оние кои имаат нормална накај сува и чувствителна кожа.

Ingredients : Aqua, Melilotus Albus Flower/Leaf/Stem Extract*, Glycerin,Helianthus Annuus Seed Oil*, Cetearyl Alcohol, Octyldodecanol, Glyceryl Stearate, Caprylic/Capric Triglyceride, Butyrospermum Parkii Butter*, Glyceryl Linoleate, Glyceryl Oleate, Glyceryl Linolenate, Rhodiola Rosea Root WaterH*, Pinus Sibirica Seed OilWH*, Linum Usitatissimum Seed Oil*, Tocopherol, Scutellaria Baicalensis Root Extract*, Chamomilla Recutita Flower Extract*, Angelica Archangelica Root ExtractWH*, Eleutherococcus Senticosus Root ExtractWH*, Rhododendron Adamsii Leaf/Stem ExtractWH*, Sorbus Aucuparia Fruit ExtractWH*, Dasiphora Fruticosa ExtractWH*, Aralia Mandshurica Leaf/Stem ExtractWH*, Rosa Davurica Leaf ExtractWH*, Sodium Hyaluronate, Sodium Stearoyl Glutamate, Xanthan Gum, Benzyl Alcohol, Dehydroacetic Acid, Sodium Benzoate, Potassium Sorbate, Citric Acid, Parfum, CI 77491, Limonene, Linalool.

Базата е многу слична како онаа на претходната маска, се менуваат секако екстрактите и некои од маслата. Овде како екстракти има камилица која има смирувачко дејство, екстракт од ангелика, екстракт од аралија, екстракт од роза...состојки кои се одлични за кожата, особено за чувствителната кожа. Миксот на екстракти е потпомогнат од антиоксидантното дејство на витаминот Е и високо хидратантното дејство на хијалуронската киселина.

Ја пробав двапати и морам да напоменам дека одлично хидрира и омекнува. Не е многу прикладна за мојата комбинирана кожа, меѓутоа доколку имате чувствителна кожа, верувајте ми ќе станете зависни од овој производ. Исто како и претходната маска, се нанесува на чиста кожа навечер како кога би нанеле крем за лице и се остава да делува во текот на ноќта. Ви советувам да ја користите двапати неделно наместо крем.

3. Маска за нега на кожата околу очите

Иако не е наведено дека е ноќен третман, го ставам овде бидејќи го испробав на повеќе начини и можам да ви кажам дека е најефикасен е како производ за нега на зоната околу очите во текот на ноќта. Јас лично се заљубив во овој производ и од сите овие три е мојот најомилен. Има неверојатно дејство врз кожата во тој предел од лицето.

Најнапред има огромно омекнувачко дејство врз кожата. Лесната гел структура го прави многу пријатен за нанесување на кожата околу очите. Потоа по околу 5 мин. ќе почувствувате дека производов има и затегнувачко дејство врз кожата околу очите, односно ќе почувствувате дека функционира. На опаковката пишува дека се остава да делува околу 15 мин. па потоа вишокот се отстранува со една памучна дискета.

Јас правам вака: нанесувам обилна количина (повеќе од обичен крем за нега на кожата околу очите) како маска во тој предел од лицето. Чекам околу 15 минути и потоа вишокот го масирам со помош на ролер од розев кварц кој прави еден вид на блага анти ејџ масажа и е одличен како за циркулацијата, така и за брчките во тој предел од лицето.

Формулата на овој производ е следнава:

Ingredients : Aqua, Melilotus Albus Flower/Leaf/Stem Extract*, Glycerin, Hydrogenated Starch Hydrolysate, Saccharide Isomerate, Rhodiola Rosea Root WaterH*, Chamomilla Recutita Flower Extract*, Calendula Officinalis Flower Extract*, Scutellaria Baicalensis Root Extract*, Eleutherococcus Senticosus Root ExtractWH*, Sorbus Aucuparia Fruit ExtractWH*, Spiraea Ulmaria ExtractWH*, Panax Ginseng Root Extract*, Caprylyl/Capryl Glucoside, Sodium Hyaluronate, Tocopherol, Pinus Sibirica Seed OilWH*, Cellulose Gum, Carrageenan, Ceratonia Siliqua Gum, Sodium Cocoyl Glutamate, Glyceryl Caprylate, Polyglyceryl-6 Oleate, Menthyl Lactate, Sodium Surfactin, Sucrose, Benzyl Alcohol, Dehydroacetic Acid, Sodium Benzoate, Potassium Sorbate, Citric Acid, Sodium Citrate, Potassium Hydroxide, Parfum, Limonene, Linalool.

Како што може да забележите станува збор за производ на водена база (гел структура) кој е погоден за сите, со оглед на тоа што без разлика колку и да ни е масна кожата на лицето, онаа околу очите е секогаш посува и има потреба од специфични производи за нега. Значи овој производ го препорачувам на сите девојки, жени, па зошто да не и момци, и тоа, ви го препорачувам од срце. Има навистина прекрасен микс на екстракти кои имаат цел еден спектар на дејство на кожата околу очите: како на пример женшен (моќен анти ејџ), екстракт од родиола (смирувачко и заштитно дејство врз кожата- заштитува од надворешните влијанија), хијалуронска киселина (хидратантно дејство и анти ејџ дејство), екстракт од бор (омекнувачко дејство врз кожата).

Верувајте ми, овој производ има повеќе од едно дејство: заштитува, омекнува, спречува појава на предвремени брчки и одличен во случај на темни кругови околу очите. Со еден производ ќе делувате на многу полиња и со редовна употреба ќе добиете фантастични резултати: ќе ја подобрите структура на кожата . Вашата кожа ќе биде мазна и мека, а видливоста на брчките околу очите видно намалена. Според мене, вреди секој денар што ќе го платите.

Сите овие производи може комотно да си ги нарачате директно до вашите домови преку сајтот на  www.bellina.mk со специјален попуст од 20% и да уживате во вашиот домашен ноќен СПА третман.

Како што ви ветив, повелете видео каде покажувам како јас лично ги користам овие производи.

Се надевам дека оваа статија ви се допадна.
Ние се читаме наскоро.
Ве гушкам
Вики