Негувана и сјајна коса со шампоните на Lavera
Здраво драги мои,
шампоните се вечна тема на голем број на девојки кои се во постојана потрага по вистинскиот производ за нега на косата. Некои имаат проблем со масна коса, други пак со коса која е претерано сува, а некои сакаат производ кој ќе даде поголем сјај на боената косата и ќе направи бојата што подолго да трае. Кој и да е вашиот проблем и желба не грижете се. Во продолжение на оваа статија ќе ви препорачам шампони од марката Lavera за разни состојби на косата кои лично ги истестирав.
Шампон за многу сува коса 2 во 1 со масло од бадем и макадамија
Започнувам со мојот омилен шампон односно оној наменет за сува коса 2 во 1 со регенератор. Лично обожавам ваков вид на производи од повеќе причини:
Како прво јас имам тенко влакно кое доколку ставам премногу балсами или маски делува сплескано кога ја сушам косата, па морам секогаш маските или регенераторите да ги ставам пред миење па да измијам со шампон. Меѓутоа истовремено сакам формули кои се за сува коса со оглед на тоа што најмногу ми одговараат. Токму и затоа проиводите 2 во 1 за мене се полн погодок. Доколку формулата е одлично направена производите 2 во 1 измиваат, меѓутоа и делуваат како кондиционанти, односно ја негуваат и омекнуваат косата. Ајде подобро да ја разгледаме оваа функција преку формулата токму на овој шампон од Lavera.
Water (Aqua), Sodium Coco-Sulfate, Glycerin, Alcohol*, Betaine, Glycine Soja (Soybean) Oil*, Sodium Cetearyl Sulfate, Glyceryl Stearate Citrate, Cetearyl Alcohol, Myristyl Alcohol, Coco-Glucoside, Fragrance (Parfum)**, Prunus Amygdalus Dulcis (Sweet Almond) Oil*, Macadamia Integrifolia Seed Oil*, Prunus Amygdalus Dulcis (Sweet Almond) Seed Extract*, Macadamia Ternifolia Seed Extract*, Cicer Arietinum Seed Extract*, Lens Esculenta (Lentil) Fruit Extract*, Oryza Sativa (Rice) Extract*, Pisum Sativum (Pea) Seed Extract*, Glycine Soja (Soybean) Germ Extract*, Chondrus Crispus (Carrageenan) Extract, Xanthan Gum, Potassium Cetyl Phosphate, Tocopherol, Helianthus Annuus (Sunflower) Seed Oil, Ascorbyl Palmitate, Benzyl Salicylate**, Linalool**, Geraniol**, Limonene** * Ingredients from Certified Organic Agriculture ** Natural Essential Oils *** Fair Trade
Што е она во фомулата што го прави еден шампон 2 во 1? Присуството и пропорцијата на анјонски и катјонски сурфактанти. Во многу мои статии имам напоменато дека сурфактантите се всушност измивачи во кои едниот дел се врзува за водата, другиот за нечистотијата (мастите). Кога ги измиваме оној дел кој се врзал за водата со себе го носи оној кој се врзал за нечистотиите и резултатот е чиста кожа или во случајов коса. Што се тоа анјонски и катјонски сурфактанти?
Анјонските сурфактанти се примарни сурфактанти кои ја имаат главната измивачка моќ (во случајов во овој производ е содиум коко сулфат). Овие примарни сурфактанти во еден производ секако се балансираат со други проратни сурфактанти како бетаинот (анфотерен) или глукозидите (лаурил глукозид, коко глукозид итн. кои се нејонски сурфактанти). Правилниот микс на сите овие е пресуден за да се направи производ кој нема да биде агресивен за косата и за темето на главата.
Катјонските сурфактанти најчесто се употребуваат во маските за коса и балсамите за коса. Со прости зборови доколку анјонските сурфактанти мијат, катјонските “валкаат“. Кога во еден производ ќе се направи правилна пропорција на двата вида на сурфактанти, се добива производ кој нежно измива меѓутоа не до крај бидејки катјонските сурфактанти го оневозможуваат тоа. Токму затоа овој вид на производ е идеален за сите оние кои имаат многу сува или оштетена коса, како и тенка коса која не трпи премногу омекнувачки состојки и маски за коса, а има потреба од производ кој не само што ќе одмива туку истовремено и ќе негува.
Овој шампон ми е допаѓа не само поради убаво избалансираната база и формула помеѓу сурфактантите, туку и поради маслата и екстрактите кои се внесени во самиот производ. Може да се забележат масло од макадамија и бадемово масло, како и екстракти од макадамија, бадем, ориз, легуми (како на пример леќа) и екстракт од црвена алга.
Има убава кремаста структура (не е проѕирен како повеќето шампони туку буквално крем шампон), ја остава косата мека, нежна, чиста и свиленкаста. Еве резултат од користењето на овој шампон
Шампон за боена коса со авокадо и брусница
Овој ми е втор омилен шампон со оглед на тоа што дава преубав сјај и прави самата боја подолго да трае. Јас не ја фарбам косата, меѓутоа нанесувам к'на за коса, која секако има потреба од посебна нега. Кога ја боите косата со к'на, најнапред важно е да се користи шампон кој нема премногу да измива и која нема да биде многу агресивен.
Овој шампон има убаво избалансирана формула (сурфактантите се одлично меѓусебно избалансирани). Содржи екстракти од авокадо, ориз, брусница, леќа и соја. Има убаво омекнувачко дејство врз косата и што е најважно дава прекрасен сјај на истата. Структурата му е нешто помеѓу проѕирна и кремаста и има прекрасен мирис. Она што лично ми се допаѓа е фантастичниот сјај врз косата. Еве го ефектот врз самата коса
Шампон за масна коса со нане и лимонова трева
Да не ги заборавиме оние кои имаат проблем со масна коса и корен кој често се масти. Овој шампон има многу блага формула и убаво прочистувачко дејство врз скалпот. Не е воопшто агресивен и нема огромно измивачко дејство, а сепак одлично прочистува и ја остава косата чиста, меѓутоа мека и убава.
- Aqua (Water)
- Sodium Coco-Sulfate
- Glycerin
- Lauryl Glucoside
- Coco Glucoside
- Mentha Piperita (Peppermint) Leaf Extract [1]
- Citrus Limon (Lemon) Peel Extract, С
- amelia sinensis leaf extract,
- Chenopodium Quinoa Seed Extract,
- Aloe Barbadensis (Aloe) Leaf Juice Powder,
- Inulin,
- Maris Sal (Sea Salt)
- Glyceryl Undecylenate
- Sodium Cocoyl Glutamate
- Disodium Cocoyl Glutamate
- Alcohol Denat,
- Guar Hydroxypropyl Trimonium Chloride
- Zinc Pca
- Fragrance (Parfum),
- Citral,
- Limonene,
- Linalool
Како екстракти користени се: нане, лимон, киноа, лимонова трева, потоа алое вера гел и инулин кои се одлични за косата.
Има прекрасен мирис на лимон и нане и навистина ја остава косата чиста, сјајна и убава.
Цената на овие шампони е 465 мкд и истите може да ги најдете онлајн на www.bellina.mk како и во нивниот БиоШоп.
Јас се надевам дека оваа статија ви е допадна и ви беше од корист, а вие доколку сте во потрага по убав шампон за вашиот тип на коса слободно пробајте некој од овие верувајте ми вредат секој денар.
Ние се читаме во некоја наредна статија, а дотогаш бидете ми добро.
Ве гушкам
Вики
Comments
Post a Comment