Novexpert Vit.C витаминка бомба за вашата кожа

 Здраво драги мои,

да ја завршиме оваа чудна година со една многу интересна и корисна статија за дејството на витаминот Ц врз нашата кожа. Ќе разгледаме за што сѐ може да се користи, во кои случаеви и секако ќе ви претставам една прекрасна линија со Ц витамин која ја тестирав последниов месец дена и верувајте едвај чекам да ви ја претставам. 

Витаминот Ц е витамин растворлив во вода кој е фондаментален за нашиот организам. Претставува моќен антиокиданс за нашата кожа . Нашиот организам за жал не е во состојба да направи резерва од овој витамин и токму затоа потребно е секојдневно да се внесува, најнапред внатрешно преку исхраната, а секако и надворешно (на нашата кожа). 

Витаминот Ц е многу корисен во следниве случаеви и проблематики:

- ја држи под контрола металопротеазата, односно оние ензими кои ги уништуваат нашиот колаген, еластин и хијалуронска киселина. Нивото на овие металопротеази се зголемува под дејство на слободните радикали (оксидативниот стрес) и сончевите зраци. Витаминот Ц е во состојба да го контролира ова зголемување на металопротеазите;

- има одлична компатибилност со кремите за заштита од сонцето. Кога ме прашувавте во текот на летниот период дали Ц витаминот може да се користи преку ден ви велев не само што може туку мора, со оглед на тоа што кремите за заштита од сонцето обичо немаат специфично дејство против слободните радикали (нивната примарна функција е заштита од сончевите зраци). Токму затоа, доколку витаминот Ц се нанесе пред заштитниот крем, го подобрува дејството на истиот, односно е во синергија (склад) со него;

- има одлично дејство како анти ејџ третман во комбинација со правилна масажа и добар хидратантен или хранлив крем за лице;

- го помага производството на колаген во кожата;

- помага во случај на проблеми со темни флеки на кожата.

                                       

Како состојка, витаминот Ц има два основни лимити и тоа: 

- првиот лимит се однесува на стабилноста на витаминот Ц како состојка (во чиста форма како Ascorbic Acid или L-Ascorbic Acid) многу лесно оксидира во контакт со светлина, воздух;

- вториот се однесува на биодостапноста на оваа состојка кога се аплицира надворешно на нашата кожа (способност на состојката да комуницира со нашата кожа со цел истата да извлече максимум на бенефиции).

Токму затоа во козметичките производи вит. Ц се користи во некоја од неговите стабилни форми како на пример Sodium Ascorbyl Phosphate (SAP), Magnesium Ascorbyl Phosphate (MAP), Ascorbyl Palmitate итн. Сите овие форми, иако стабилни, се користат во различен процент и имаат различна пХ вредност (а со самото тоа и финалниот производ). Меѓутоа ниедна од нив го нема она моќно дејстви како чистата форма...или скоро ниедна...

Од аспект на функционалност (стабилност и биодостапност врз нашата кожа) во еден козметички производ со витамин Ц потребно е да се исполнети неколку услови: 

- најнапред од голема важност е концентратот на Ц витамин во самиот производ (ова секако најнапред зависи од типот на Ц витамин кој се користи и затоа многу разни производи со Ц витамин имаат и различни цени). Од последните истражувања кои ги прочитав на оваа тема, со цел да еден производ на база на Ц витамин да биде екстремно функционален за кожата, идеалната количина на Ц витаминот пожелно е да биде помеѓу 10% до 25%;

- потребно е производот да има пХ вредност околу 4;

- потребно е да биде конфекциониран во соодветно пакување (packaging) кое додатно ќе го заштити овој витамин, а и самиот производ;

- и на крај (ама не помалку важно) потребно е да се наоѓа во формула со останати антиоксидантни состојки кои ќе допринесат во подобрување на функцијата на оваа состојка.

Кај нас на пазарот, немаше производ кој ги исполнува сите овие 4 критериуми ... барем не сѐ досега. Токму затоа, драги мои, со огромна радост ви го претставувам серумот со Ц витамин од марката Novexpert.

                    

Јас самата бев премногу среќна кога го открив и верувајте ми, по месец дена тестирање, едвај дочекав да ви го претставам. Ајде најнапред да ја разгледам декларацијата со цел да утврдиме зошто е толку посебен овој производ и каков вид на Ц витамин е употребен во истиот.

INGREDIENTS : Aqua (Water), Ascorbyl Methylsilanol Pectinate, Propanediol, Glycerin, 3-O-Ethyl Ascorbic Acid, Silica, Parfum (Fragrance), Glucosyl Hesperidin, Sodium PCA, Anogeissus Leiocarpa Bark Extract, Sodium Hyaluronate, Tocopherol, Beta-Carotene, Bisabolol, Adenosine, Saccharide Isomerate, Sodium Lactate, Citric Acid, Glyceryl Caprylate, Xanthan Gum, Caprylic/Capric Triglyceride, Sclerotium Gum, Glycine Soja (Soybean) Oil, Polyglyceryl-2 Dipolyhydroxystearate, Zea Mays (Corn) Starch, Phytic Acid, Biosaccharide Gum-2, Sodium Citrate, Lauryl Glucoside, Laminaria Ochroleuca Extract

Како форма на Ц витамин во овој серум користени се две и тоа: Ascorbyl Methylsilanol Pectinate и Ethyl Ascorbic Acid. Првата форма (Ascorbyl Methylsilanol Pectinate ) претставува силициум на кој е приврзан витаминот Ц. Нека не ве плаши зборот силициум не станува збор за силикон, туку за силика во чиста форма (од неа по хемиски пат се добива силиконот, меѓутоа овде е користена чиста шред да се претвори во силикон). Значи оваа состојка не е силикон инаку не би ја рецензирала. Вака врзаниот Ц витамин, најнапред е стабилен, а потоа има одлично регенеративно дејство врз кожата и сврзното ткиво. На оваа форма асоцирана е и Ethyl Ascorbic Acid која според последните две истажувања кои ги прочитав за разлика од сите останати стабилни форми на Ц витамин, оваа е единствена која врз кожата делува на многу сличен начин како и основната форма (онаа која лесно оксидира). Оваа секако е стабилна, меѓутоа дејството врз кожата е неверојатно, исто како чист Ц витамин. Кожата го апсорбира и резултатите се видливи.

Количината на Ц витамин во серумов е околу 25%. (Значи првиот критериум е исполнет)

Понатаму, пХ вредноста на овој серум е 4. Ова не е никаде означено, јас од чиста љубопитност ја измерив дома (вториот критериум е исполнет).

Во самата формула има други антиоксидантни состојки како на пример вит, Е (во чиста форма токоферол), а знаеме дека овие два витамина заедно се прекрасна комбинација со оглед на тоа што взаемно си “помагаат“, особено кога станува збор за дејството на вит. Е врз кожата. (со ова може да кажеме дека и третиот критериум е исполнет). Освен ова, во производов се присутни и останати состојки кои се феноменални за кожата како бисаболол, хијалуронска киселина, бета каротен и многу интересни екстракти. Сите овие состојки вака искомбинирани заедно прават да овој производ биде оригинлен и функционален.

И на крај да проговорам за четвртиот критериум (пакувањето на производот). Ова е еден од ретките производи кој е спакуван така да самото пакување придонесе за подобро оддржување на Ц витаминот, а и производот воопшто. Најнапред е во стаклено шише со пумпица кое не дозволува да во производот навлезе многу воздух или светлина, а тоа не е се. Доколку е обидете да го отворите ќе видите дека е на некој начин “вакумиран“ однодно во ќесичка која додатно го штити. Ова е првпат да видам производ од ваков вид вака умешно спакуван. 

                                              

Еве ја структурата на овој производ

Се нанесува наутро и навечер на убаво исчистено лице.

Сега сфаќате зошто сум толку воодушевена од овој производ. Цената е малку повисока од она што досега ви го имам прикажано, меѓутоа верувајте ми вреди (состојките, формулата и пакувањето си го прават своето).

Негата на лицето не би била комплетна доколку не ви предложам и добар производ за миење. Секако во оваа статија ќе ви ја предложам пената од истава линија со Ц витамин.

Многупати имам напоменато колку е важна правилната детерзија на лицето и колку истата треба да ја почитува физиологијата на кожата функционалноста на заштитниот филм. Уште еднаш ќе напоменам дека според мене огромна грешка е двојната детерзија која апсолутно треба да се избегнува со оглед на тоа што премногу ја одмива кожата и ја прави послаба, понеотпорна,и секако прави алтерација на заштитниот филм на истата.

Еден комплетно нежен производ за измивање е токму пената на Novexpert со Ц витамин која може да ја користите заедно со серумот за подобар ефект врз кожата. 

                                                      

INGREDIENTS : Aqua (Water), Glycerin, Coco-Glucoside, Decyl Glucoside, Caprylyl/Capryl Glucoside, Gluconolactone, Citric Acid, Disodium Cocoyl Glutamate, Parfum (Fragrance), Ascorbyl Glucoside, Zinc PCA, Citrus Aurantium Dulcis (Orange) Fruit Water, Glyceryl Caprylate, Sodium Cocoyl Glutamate, Aloe Barbadensis Leaf Juice, PCA Ethyl Cocoyl Arginate, Phytic Acid, Carica Papaya (Papaya) Fruit Extract

Базата на овој производ се многу благи сурфактанти како коко глукозид и децил глукозид кои имаат неверојатно благо измивачко дејство врз кожата. Овие се секако потпомогнати од други сурфактанти како на пример дисодиум кокол глутамат кој е примарен и екстремно нежен сурфактант, потоа содиум кокол глукамат. Во производот секако е писутен и Ц витамин во формата Ascorbyl Glucoside потоа Zinc PCA, алое вера гел и прекрасни екстракти како оној од папаја, и хидролати како оној од портокал.

Доколку досега моја омилена пена бше онаа на Pulp de Vie, оваа ги надмина сите мои очекувања. Благо измива, воопшто не ја чувствувате кожата да затега, туку напротив ја чувствувате мека и хидрирана, благодарение на глукозидите. Има прекрасна структура и неверокатен сензоријален ефект врз самата кожа (мека како памукче). Навистина како производ е пријатна не само за кожата, туку буквално за сите сетила.

Еве ја структурата на овој производ

Се користи наутро и навечер на благо навлажнета кожа на лицето. Се прави блага масажа и темелно се измива со вода (најдобро млака накај ладна). 

Имам една прекрасна вест за сите вас: доколку купите производи од Novexpert во вредност од 3.000 мкд добивате на подарок мини серум со хијалуронска киселина (10 мл.). 

Драги мои, јас се надевам дека оваа последна статија од 2020 ви беше од корист, а ние се читаме со нови сили во 2021 година. Ви посакувам среќна Нова Година, многу здравје (кое е најважно) се најдобро и ве гушкам силно, силно.

Вики