Двофазен отстранувач на шминка: што е и како функционира

Здраво драги мои,

еден од најомилените производи за отстранување на шминката на очите е двофазниот отстранувач на шминка, кој во последно време станува сѐ попопуларен.Не знам кога точно е измислен овој роизвод, и кој ја имал оваа брилијантна идеја да го креира, меѓутоа со сигурност знам дека претстравува еден од производите кои одлично функционираат за оваа намена.

Она што овој производ го прави единствен и посебен се токму двете фази: водена и маслена фаза, кои со помош на протресување на производот се спојуваат . На тој начин овој производ благодарение на моќта на маслата да ја разложат и отстранат шминката и благодарение на измивачката моќ на водата, има навистина комплетно дејство при отстранување на шминката од лицето, а особено онаа од очите.

Многумина од вас ќе си го постават прашањето: како всушност делува овој вид на производ и зошто е толку функционален? Дали ја има истата функција на едно обично масло за отстранување на шминката?

Доколку имате побано да ја отстранувате шминката само со масло (јас долго време ја отстранував шминката на овој начин) знаете дека пред да го ставите маслото на памучниот диск, потребно е истиот да го намокрите, или пак на благо навлажнето лице да го нанесете маслото. Ова го правиме со цел да го олесниме отстранувањето на шминката затоа што само со масло истото ќе оди потешко и ќе биде потребно повеќе време. Водата го олеснува овој процес, иако маслото е тоа што всушност ја отстранува шминката.

Двофазниот отстранувач на шминка, во својот состав има и водена фаза во која производителот најчесто додава и мал дел на некој благ сурфактант (доколку производот е природен и органски), кој го помага на некој начин отстранувањето на шминката и нечистотиите. При протресувањето на шишенцето, сурфактантот се разредува помеѓу маслото и водата. Не е во состојба на направи емулзија, затоа што сепак не станува збор за емулгатор, меѓутоа, при отстранувањето на шминката многу ја олеснува работата на маслото, со олгед на тоа што главната цел на сурфактантите е да измиваат. Секако процентот е овде мал, не станува збор за производ за измивање, меѓутоа и покрај нискиот процент, тој е од огромна помош на маслото во производот.

Тешко е да се докаже дека еден двофазен отстранувач на шминка има подобро и побрзо дејство од масло со вода на пример, меѓутоа е доста комотно за употреба. Со оглед на тоа што имаме и водена фаза, во неа може да се додадат разни екстракти, полисахариди (шеќери) и хидролати, кои ќе имаат омекнувачко и ленитивно дејство врз кожата (да не предизвикуваат печење на очите итн.). За разлика од маслените производи кои немаат пореба од конзерванси, во овој вид на производ конзервансот е неопходен, токму поради водената фаза, така да сите производи во продажба го содржат.

Еден многу интересен податок кој неодамна го прочитав е дека обичното масло одлично  отстранува секаков вид на шминка, меѓутоа доколку за отстранување на истата се користи масло кое е употребено во самата декоративна козметика, или компатибилно со истата, резултатот е подобар, затоа што “разредувачкото дејство“ е поголемо.

Ова нека ви биде поттик плус да започнете со користење на органска декоративна козметика, чиишто масла ќе бидат дефинитивно компатибилни со оние кои обично се користат во природните и органски двофазни отстранувачи на шминка.

Внимавајте многу на декларацијата и состојките, бидејќи и овој тип на производи може да бидат на силиконска база (а тоа е последно нешто што ни е потребно). За да ви покажам на што треба да внимавате. ќе ви дадам декларации на неколку производи од кои првите два ќе бидат комерцијални, додека вторите два орагнски за да ја утврдите разликата, без да говорам или нагласам за која марка станува збор.

Пример бр. 1

INCI: Aqua/Water, Cyclopentasiloxane, Isohexadecane, Isopropyl Palmitate, Panthenol, Rosa Centifolia/ Rosa Centifolia Flower Water, Dipotassium Phosphate, Poloxamer 184, Polyaminopropyl Biguanide, Potassium Phosphate, Sodium Chloride, CI 61565/ Green 6

Типичен пример на двофазен отстранувач на силиконска база. После водата има циклопентасилоксан кој е силикон.

Пример бр. 2 

INCI: Aqua, Isododecane, Cyclomethicone, Isopropyl Palmitate, Helihantus Annuus Seed Oil, Centaurea Cyanus Flower Extract, Sodium Chloride, trisodium EDTA, Phenoxyethanol, Methylosothiazolinone, CI 60725, CI 61565

Ова е исто еден вид на комерцијален отстранувач на шминка, само што овде силиконот е на трета позиција.

Пример бр. 3

INCI: Aqua, Glycine Soya Oil*, Glycerin, Alcohol*, Coco-Glucoside, Sodium Lactate, Aloe Barbadensis Extract*, Simmondsia Chinensis Oil*, Persea Gratissima Extract*, Prunus Amygdalus Dulcis Extract*, Actinidia Chinensis Fruit Extract*, CI 75810, Olea Europaea Oil*, Helianthus Annuus Seed Oil, Sodium Coco-Sulfate, Disodium Cocoyl Glutamate, Parfum**, Limonene**, Linalool** 
* ingredients from certified organic agriculture ** from natural essential oils

Еве пример на органски отстранувач на шминка каде како масла се употребени растителни масла и тоа комбинација од повеќе видови како: масло од соја, масло од јојоба, маслиново масло,сончогледово масло и три вида на сурфактанти за подобар отстранувачки ефект на шминката.

Пример бр. 4 

INCI: Aqua, Glycine Soja Oil*, Alcohol*, Coco-Glucoside, Betaine, Heptyl Glucoside, Parfum**, Prunus Amygdalus Dulcis Oil*, Ubiquinone, Punica Granatum Seed Oil*, Prunus Armeniaca Kernel Oil*, Olea Europaea Fruit Oil*, Citrus Limon Peel Oil*, Lycium Barbarum Fruit Extract*, Vanilla Planifolia Fruit Oil*, Sodium PCA, Sodium Lactate, Sodium Cocoyl Glutamate, Disodium Cocoyl Glutamate, Tocopherol, Helianthus Annuus Seed Oil, Limonene**, Citral**, Geraniol**, Linalool**, Eugenol**
* ingredients from certified organic agriculture ** from natural essential oils

Слично на претходниот пример, станува збор за отстранувач на шминка на природна база со состојки од органско потекло, на база на растителни масла, природни екстракти и благи сурфактанти. За разлика од претходниот овој содржи и анти ејџ состојки така да е наменет за повозрасна кожа.

Се надевам дека и оваа статија ви се допадна и дека на некој начин успеав да разјаснам како функционира двофазниот отстранувач на шминка. Дали досега имате пробано ваков вид на производ и како сте задоволни од резултатот??? Вашите коментари се добредојдени под текстот.

Ве гушкам
Вики