Помлада и поубава кожа со шеа путер

Здраво драги мои,

во денешнава статија ќе говориме за една од најкомплетните по состав состојки, која природата ни ја дава не само за нега на кожата туку и косата, односно шеа путерот или ши путерот (мене шеа ми е некако поубаво за пишување иако се изговара ши).

Шеа претставува дрво кое природно расте во Африка во зоната помеѓу Нил и Сенегал, а плодовите од него сеуште се собираат рачно во месеците март и април, се сушат и рачно се толчат со цел да се добие чист и природен производ односно шеа путерот. Овој путер содржи состојки кои одлично ја оддржуваат еластичноста на кожата и е богат со витамините А, Б, Е, Ф. Самото дрво се нарекува “дрво на здравје и младоста“ токму поради тоа што еа путерот придонесува за помлада, поздрава и поубава кожа.

Африканските жени кои се познати по меката, свиленкаста и мазна кожа, со генерации го употребуваат овој путер како единствена состојка за нега на кожата, не само за да ја оддржат кожата поеластична, туку и за да ги намалат штетните ефекти на сончевите зраци. И навистина скоро сите органски креми за заштита од сонцето покрај физичките филтри обавезно употребуваат и шеа путер токму поради оваа причина.

Во оваа статија би сакала да ви го претставам шеа путерот на Institute Organica. Станува збор за еден чист производ кој е само за надворешна употреба. Го испробав за многу нешта и мене навистина ми се допадна.

Има убава структура (со средна цврстина, карактеристична за шеа путерот) која во допир со кожата под дејство на телесната топлина многу брзо се топи. Комплетно е без мирис, односно не се додавани никакви парфеми или ароми, па затоа е погоден дури и за најчувствителната кожа.

Пакувањето на овој производ е навистина многу интересно, доаѓа во слатко пластично кутивче од 50 мл. со мала книгичка со рецепти за употреба. 

Овој производ има повеќе од една намена и може да го користите како:

Крем за сува кожа;
Производ за намалување на борите на лицето;
Крем за нега на кожата околу очите;
Балзам за уста;
Крем за нега на кожата на телото по изложувањето на сонце;
Третман за сува коса пред шампонирање;
Производ за заштита од испукување на врвовите на косата;
Производ за заштита од фенирање и за стајлинг на косата;
Крем за нега на детската кожа;

За вас подготвив едно специјално видео каде објаснувам на кои сѐ начини може да го користите шеа путерот, односно ќе ви дадам дури 12 употреби на оваа состојка.

Со оглед на тоа што го заборавив делот за косата, дозволете ми само да напоменам дека доколку го користите како маска за коса, нанесете го на благо навлажнета коса по должината, ставете ќеса и пешкир и оставете да делува најмалку половина час. Потоа измијте со убав природен шампон. Како производ за заштита на косата од фенирање или за стајлинг, нанесете ептен мала количина само на врвовите на мокра коса пред сушењето со фен, или на сува коса за полесно да ја обликувате.

Исто така во видеото заборавив да напоменам дека шеа путерот е одличен и како третман против флеки на кожата. Со редовна употреба ќе видите подобрување. Со овие додатоци стигнавме до 15 употреби на шеа путерот.

Јас сега ве оставам да го изгледате видеото.

Дали досега сте пробале шеа путер како дел од вашата секојдневна нега. Како вие најчесто ја користите оваа состојка?

Поздрав
Вики