4 прекрасни производи под 500 денари

Здраво драги мои,

еве не во овомесечното издание на можеби и најчитаната рубрика каде ви препорачувам нискобуџетни убави козметички производи за кои не мора да потрошите цело богатство.

Овојпат најдов 4 навистина прекрасни можам да кажам летни производи (иако може да се користат во текот на целата година), ги нареков летни поради лесната структура и убавиот цветен мирис.

Знам дека сте нетрпеливи затоа ќе започнам со претставувањето.

1. Балзам за уста Алверде со органско нане и бобинки

 Ова е дефинитивно летен производ според мене, не само поради прекрасниот свеж мирис, туку и поради убавата цврста структура (која нема да се стопи во овие жешки денови). Мирисот е навистна многу интересен, кога ќе о нанесете на усните најнапред чувствувате мирис на нане, меѓутоа не етерично масло, туку како да сте скинале свежо нане, ете така мириса. Потоа по некое време се чувствува и мирисот на бобинките.

Одлично ги омекнува и хидрира усните, а тоа секако се должи на прекрасната декларација која ќе ја разгледаме сега:

Ricinus Communis Seed Oil, Simmondsia Chinensis Oil*, Caprylic / Capric Triglyceride, Rhus Verniciflua Peel Cera, Butyrospermum Parkii Butter*, Aroma**, Limonene**, Mica, CI 77891, Citronellol**, Tocopherol, CI 77491, Citral**, Helianthus Annuus Seed Oil*, CI 75470, Linalool**, Geraniol**
* ingredients from certified organic agriculture
** from natural essential oils

Содржи на прва позиција рицинусово масло кое јас го обожавам во балзами и кармини, со оглед на тоа што дава огромен сјај на производот и одлично делува врз кожата на усните. Ова масло е потешко и во формулава одлично е избалансирано со јојобата на втора позиција која е полесна како масло. Понатаму содржи каприлик каприк кое е полесно масло, па восок, шеа путер, витамин Е, сончогледово масло и розова боја.

Структурата на производов е убава и компактна, бојата не ги бои усните ставена е само за убав изглед на производот. Кога ќе се нанесе на устата комплетно е безбоен. Во допир со природната топлина на усните лесно се нанесува и дава многу пријатно чувство. Ги штити усните во текот на целиот ден од надворешните влијанија.

Цената на овој производ е 69 мкд.

2. Пена за коса на Алверде со органски лотосов цвет и ориз

Оваа пена е како создадена за мојата коса. Јас имам тенко влакно и секогаш сум во потрага по производи за волумен на косата. Оваа пена ми се допаѓа затоа што дава волумен, не зацврстува многу и косата изгледа многу природно. Со оглед на тоа што во декларацијата (ќе ја разгледаме во продолжение) содржи алкохол, ја нанесувам само на коренот од косата, а не по должината за да не ја исушам премногу. На коренот прави навистина чуда (барем за мене).

Еве ја декларацијата

Aqua, Malus Domestica Fruit Water*, Alcohol*, Glycerin, DecylGlucoside, Chitosan, Levulinic Acid, Lactic Acid, Sodium Levulinate, NelumboNucifera Flower Extract*, Oryza Sativa Extract*, Parfum**, Limonene**,Linalool**
*ingredients from certified organic agriculture / **from natural essential oils

После водата на прва позиција, на втора има овошна вода или хидролат од јаболко кој е одличен за косата. На трета позиција е алкохолот па имаме глицерин кој го омекнува неговото дејство. Со оглед на тоа што алкохолот не е единствен конзерванс овде, можно е неговото присуство да е помало (под 10%), меѓутоа тоа со сигурност не може да го знаеме.

Има многу убави екстракти и како формула целосно не е лош, ми се допаѓа. Она што ми се допаѓа премногу е ефектот врз косата. Како што реков јас го нанесувам овој производ само на коренот од косата и малку ја засушувам со главата надолу (преку ден тоа го правам на сонце гледам што помалку фен да користим кога е топло). Она што го забележав е освен што навистина дава волумен на коренот, ја држи косата чиста повеќе денови. По должината на косата секогаш нанесувам природни “силиконски“ капки на база на масла а не силикони.

Цената на овој производ беше до 150 денари (не ми текнува точно ама не повеќе од 150 мкд).

3. Рол он на Алверде 3 во 1 со органски ориз и хамамелис

Овој рол он е како создаден за летниот период: прекрасно мириса, безбоен е, и што е најважно тадададааааам....не се познава врз облеката, односно не остава траги откако ќе се нанесе. Ова е од голема предност со оглед на тоа што трагите не изгледаат убаво врз облеката воопшто.

Навистина е издржлив на овие високи температури (иако тоа може да биде индивидуално и да зависи од количината на пот и мирис), меѓутоа еве јас лично ставам еднаш наутро и уште еднаш попладне (да го освежам). Мириса навистина многу нежно свежо, воопшто нема нападен мирис, а сепак убаво штити, односно ја неутрализира непријатната миризба предизвикана од потењето.

Ајде да го видиме составот и д утврдиме зошто е толку убав како производ.

Aqua, Alcohol*, Glycerin, Triethyl Citrate, Parfum**, Glyceryl Caprylate, Hamamelis Virginiana Leaf Extract*, Oryza Sativa Extract*, Hypericum Perforatum Extract*, Xanthan Gum, Linalool**, Limonene**, Citronellol**, Citral**, Benzyl Salicylate**, Geraniol**
* ingredients from certified organic agriculture ** from natural essential oils

Како што може да забележите производов воопшто не содржи ниту алуминиумова сол, ниту потасиум алум (инаку не би го ни претставувала воопшто). Моќта на неутрализирање на непријатниот мирис под пазувите е благодарение на комбинацијата алкохол со триетил цитрат. Овде воопшто не треба да се грижите за алкохолот, токму поради тоа што има триетил цитрат кој прв делува штом производот ќе се нанесе. Триетил цитратот го спречува делувањето односно размножувањето на оние бактерии кои предизвикуваат непријатен мирис под пазувите, со оглед на тоа што им креира средина која е непријатна за нив. Алкохолот најверојатно ја продобрува структурата на производот, односно прави истиот подобро да испари (да не даде ефект на лепливо) а ставен е секако и поради екстрактите. Глицерил каприлат има големо деодорантно дејство врз кожата дури и доколку се стави во мала количина.

Вака од декларацијата (а и од лично искуство) може да ви кажам дека производов е многу пријатен како структура кога ќе се нанесе, не лепи, дава свеж ефект, а  на некој начин ја омекнува кожата.

Мене ми е навистина многу пријатен како производ и фактот што не остава трага не е воопшто за подценување. Цената на овој производ е 145 денари.

4. Отстранувач на шминка на Балеа со масла, витамин Ц и Е

Овој производ за мене е откритие на годината!!!!! Го открив сосема случајно кога се шетав во ДМ и на полицата ги видов овие кутивчиња и си реков леле баш вакво кутвче ми треба за кремите кои си ги правам. Видов дека цената е 65 денари на овој производ и си реков, ај што и да е ќе го земам само за да го рециклирам кутивчето, а производот доколку не е по моја филозофија, ќе му најдам алтернативна употреба.

Ја свртив декларацијата и верувајте ми останав со подотворена уста. Четири пати проверував мислејќи дека нешто не сум видела добро или пропуштила, ама драги мои, овој производ има фантастична декларација. Еве погледнете ја

ASCORBYL PALMITATE, BRASSICA CAMPESTRIS SEED OIL, SIMMONDSIA CHINENSIS SEED OIL, ISOPROPYL MYRISTATE, TOCOPHEROL, BETA-SITOSTEROL, SQUALENE

На прва позиција имаме витамин Ц, потоа масло од репка па масло од јојоба кои одлично вадат шминка. Во производов има витамин Е во својата чиста форма токоферол. Последните две состојки се извонредни за кожата и заедно го стимулираат природниот процес на обнова на кожата.

Во пакувањето има 50 памукчиња, а за таа цена би земале само обични памучни дискети на кои треба да нанесете некој производ за отстранување на шминката. Производов воопшто не содржи никаков мирис ниту парфеми што го прави одличен дури и за оние кои имаат чувствителни очи. Убаво ја отстранува шминката од очите.

Навистина од едно кутивче што ми се допадна за креми, открив прекрасен производ кој имам намера да го користам овој период. Ми се допаѓа што е практичен, така да доколку треба да патувате некаде нема потреба да носите памуци плус средства за вадење на шминка, туку го ставате ова во ташна и готова приказна. Од мене има 10+ навистина е откритие на годината.

Цената како што веќе напоменав е 65 денари за 50 дискети.

Ете драги мои, се надевам дека и оваа статија ви се допадна. Вие доколку имате прашања или пак доколку сте пробале некој од овие производи, слободно оставете ваш коментар под текстот.

Поздрав и до скоро читање.
Вики