Рол он Lavera - идеална заштита во овој есенско зимски период

 

Здраво драги мои,

иако деодорансите автоматски асоцираат на топло, лето и обилно потење, сепак претставуваат производ кој го користиме во текот на целата година со цел да останеме свежи и заштитени. Сигурно, летно време ги користиме многу повеќе поради жешките температури и зголеменото потење (а со самото тоа и поголемиот непријате мирис под пазувите), а зимно време најнапред поради свежина, меѓутоа и поради фактот што носиме подебели џемпери и при промена на температури можно е потење иако многу помало од она за време на летниот период.

Јас лично ги употребувам во текот на целата година. Летно време ги користам оние на Бен и Ана кои се феноменални и одлично штитат од непријатни мириси на високи температури и при практикување на спорт, додека овој период ги користам овие на Лавера кои се за нијанса поделикатни, меѓутоа сепак ја оддржуваат свежината и пријатниот мирис под пазувите. Во зависност од вашиот животен стил и вкус, во оваа статија ќе ви предложам три вида на рол он од марката Лавера, кои според мене се идеални токму за овој есенско- зимски период.

Лавера сенситив део рол он

Ова е дефинитивно мојот омилен део рол он од оваа марка, наменет не само за оние кои имаат многу чувствителна кожа под пазувите, туку и за девојчиња (почнувајќи од 10 годишна возраст кога потењето станува за нијанса поизразено) со оглед на тоа што не содржи алкохол, ниту пак други штетни состојки.

СОСТОЈКИ(INCI): WATER (AQUA), ALOE BARBADENSIS LEAF JUICE*, TRIETHYL CITRATE, ZINC PCA, GLYCERYL CAPRYLATE, GLYCERYL STEARATE CITRATE, HELIANTHUS ANNUUS HYBRID OIL*, SIMMONDSIA CHINENSIS (JOJOBA) SEED OIL*, GLYCINE SOJA (SOYBEAN) OIL*, VERBENA OFFICINALIS LEAF EXTRACT*, HAMAMELIS VIRGINIANA (WITCH HAZEL) LEAF EXTRACT*, CETEARYL ALCOHOL, COCO-CAPRYLATE/CAPRATE, GLYCERIN, LEVULINIC ACID, XANTHAN GUM, SODIUM CAPROYL/LAUROYL LACTYLATE, POLYGLYCERYL-2 CAPRATE, SODIUM LEVULINATE, DECYL COCOATE, SODIUM ANISATE, GELLAN GUM, CALCIUM LACTATE, SEA SALT (MARIS SAL), HYDROGENATED LECITHIN, TOCOPHEROL, HELIANTHUS ANNUUS (SUNFLOWER) SEED OIL, FRAGRANCE (PARFUM)**, LIMONENE**, LINALOOL**, CITRONELLOL**, GERANIOL**, CITRAL**, BENZYL SALICYLATE**, FARNESOL**, BENZYL BENZOATE**

Од декларацијата може да заклучиме дека станува збор за еден нежен крем производ кој функционира пеку механизам на апсорбирање на лошиот мирис (благодарение на цинк рицинолеатот), преку антиобактериското дејство (триетил цитрат), а големото присуство на соли (морска сол и содиум лактат) создаваат амбиент во кој бактериите не се во можност да работат и да се размножуваат.

Содржи масло од јојоба, сончогледово масло, сок од алое вера и микс на екстракти како оние од вербена и хамамелис. Според механизмот на функционирање и според нежната формула наменета за чувствителна кожа, овој производ според мене е идеален за користење токму во овој есенско зимски период кога не се потиме претерано, а сепак имаме потреба од свежина.

Лавера део рол он фреш

Овој е мојот втор омилен рол он од оваа марка со оглед на тоа што има преубав свеж мирис на лимета кој просто го обожавам. Овој лично го корстам секојдневно во овој период со оглед на тоа што дава свежина, а сепак е нежен како производ. 

СОСТОЈКИ(INCI): WATER (AQUA), ALCOHOL* DENAT., TRIETHYL CITRATE, ZINC PCA, GLYCERYL CAPRYLATE, GLYCERYL STEARATE CITRATE, LEVULINIC ACID, GLYCINE SOJA (SOYBEAN) OIL*, PRUNUS ARMENIACA (APRICOT) KERNEL OIL*, HELIANTHUS ANNUUS HYBRID OIL*, VERBENA OFFICINALIS LEAF EXTRACT*, CITRUS AURANTIFOLIA (LIME) FRUIT EXTRACT*, HAMAMELIS VIRGINIANA (WITCH HAZEL) LEAF EXTRACT*, GLYCERIN, SODIUM LEVULINATE, DECYL COCOATE, COCO-CAPRYLATE/CAPRATE, XANTHAN GUM, POLYGLYCERYL-2 CAPRATE, SODIUM CAPROYL/LAUROYL LACTYLATE, CALCIUM LACTATE, SEA SALT (MARIS SAL), HYDROGENATED LECITHIN, TOCOPHEROL, HELIANTHUS ANNUUS (SUNFLOWER) SEED OIL, FRAGRANCE (PARFUM)**, LIMONENE**, LINALOOL**, CITRAL**, CITRONELLOL**, GERANIOL**

За разлика од претходниот во составот на овој до може да забележите алкохол, меѓутоа сетете се дека во присуство на триетил цитрат не треба да се плашиме од алкохолот, бидејќи оној кој прв стигнува да делува е токму триетил цитратот. Формулата е слична на претходниот во смисла и овој претставува крем производ каде се присутни масла со преубаво омекнувачко дејство како она од семки од кајсија, потоа сончогледово масло, каприлик каприк и екстракти како оние од хамамелис и вербена. 

Лавера део рол он од овес

Овој како декларација е сличен на претходниот (со лимета), со таа разлика што вториов содржи екстракт од овес кој го прави самиот производ понежен за кожата. Токму од тука и името Mild- благ или нежен производ. Како што напоменав е за нијанса поделикатен од претходниот, иако остава убаво чувство на свежина.

Без разлика на тоа кој и да го одберете, може да бидете сигурни дека сте одбрале најнапред производ кој е сигурен, природен и функционален, во склад со кожата и нејзината функција. 

Овие део рол он може да ги најдете на сајтот на www.bellina.mk и во нивниот БиоШоп кај цеветен пазар и во тргавскиот центар East Gate по цена од 535 мкд.

Драги мои, јас се надевам дека оваа статија ви се допадна и дека ви беше од корист. Ние се читаме наскоро со многу интересни статии и рецензии.

Вики