Мазна и сјајна коса сѐ до врвовите со маските за коса на Fancy Handy

Здраво драги мои,

пред извесно време благодарение на пакувањето, толку софистицирано и елегантно, ги открив овие маски за коса кои многу пријатно ме изненадија. Здогледав една од маските и ја земав во рака токму поради прекрасното пакување. Потоа почнав да ги разгледувам состојките и сфатив дека не е само една маска туку три различн маски иако пакувањата се многу слични и доколку не го прочитате натписот на самото кутиче, ќе помислите дека станува збор за еден ист производ (како во мојот случај).

Базата на маските е многу слична, иако се менуваат екстрактите и маслата во самата маска, кои го даваат и главното дејство и намена на истата: едната е хранлива, другата е регенерирачка и третата е омекнувачка. Со оглед на тоа што сите имаме различни потреби и сакаме различен ефект, во оваа статија ќе ви ги претставам сите три маски со цел да ви дадам подобра слика на истите и да ви олеснам во изборот на вистинската маска за вашиот тип на коса.

1. Хранлива маска за коса (Extra Nutritive Hair Mask)

Започнувам со мојата омилена маска од ова прекрасно трио (иако сите се многу убави сепак оваа ми е најомилена бидејќи сум заљубена во кокосово масло со екстракт од монои...). Декларацијата на маската е следнава:

Aqua/Water, Cetearyl Alcohol, Prunus Amygdalus Dulcis Oil/Sweet Almond Oil, Helianthus Annuus Seed Oil/Helianthus Annuus (Sunflower) Seed Oil, Cetrimonium Chloride, Macadamia Ternifolia Seed Oil, Chenopodium Quinoa Seed Extract, Cocos Nucifera Oil/Cocos Nucifera (Coconut) Oil, Gardenia Taitensis Flower Extract,  Rosmarinus Officinalis Leaf Extract/Rosmarinus Officinalis (Rosemary) Leaf Extract, Tocopherol, Behentrimonium Chloride, Isopropyl Alcohol, D-Panthenol, Parfum/Fragrance, Ethylhexylglycerin, Propanediol, Sodium Phytate, Citric Acid, Sodium Benzoate, Phenoxyethanol, CI 16035 (Red 40), CI 19140 (Yellow 5).

Оваа маска иако не е органска, одлично е формулирана, без силикони, нафтени деривати и парабени. Содржи масло од бадеми, масло од макадамија, кокосово масло, сончогледово масло, екстракт од монои, екстракт од рузмарин и екстракт од киноа. Потоа содржи чист витамин Е (токоферол) и пантенол кој се одлични за косата. Има неверојатна хранлива моќ, така да ја препорачувам за оние кои имаат сува коса.

Се користи по миењето на косата со шампон и се остава од 5 до 10 мин. Е сега, доколку имате тенко влакно како моето, ви советувам да ја користите како балсам за коса, односно да ја држите само минутка- две. Верувајте ми и за ова кратко време, одлично ја омекнува косата и храни. Забележав дека доколку ја држам подолго, премногу ја омекнува коата и ми е некако сплескана со оглед на тоа што имам тенко влакно. Може да го пробате и методот каде прво ќе ја нанесете маската и ќе ја оставите 10 мин., па дури потоа да измиете со шампон (Reverse Hair Washing). Во тој случај косата ќе ви биде убава нахранета, а сепак нема да биде премногу сплескана, доколку имате тенко влакно на косата. Детален опис на овој метод може да најдете во статијата Прво балсам па шампон или Reverse Hair Washing

Како што веќе напоменав оваа маска е одлична за сите оние кои имаат сува коса. Еве го ефектот од оваа маска нанесена како балсам по миењето на косата (прво ја измив косата па потоа ја нанесов маската и ја држев 2 мин.)

Дава неверојатен сјај на косата.

2. Регенерирачка маска за коса (Total Repair Hair Mask)

Оваа маска за коса според мене е одлична за сите оние кои имаат многу оштетена коса со расцветани врвови. Има одлично регенеративно дејство врз косата, ја прави самата коса многу сјајна и убава. Декларацијата на производот е следнава:

Aqua/Water, Cetearyl Alcohol, Prunus Amygdalus Dulcis Oil/Sweet Almond Oil, Cetrimonium Chloride, Persea Gratissima Oil/Avocado Oil, Argania Spinosa Kernel Oil/Argan Oil, Behentrimonium Chloride, Parfum/Fragrance, Isopropyl Alcohol, Phenoxyethanol, Ethylhexylglycerin, D-Panthenol, Propanediol, Citric Acid, Sodium Benzoate, Sodium Phytate, Anise Alcohol, Hexyl Cinnamal, CI 19140 (Yellow 5), CI 42090 (Blue 1).

Во оваа маска може да забележиме бадемово масло, масло од авокадо, масло од арган и пантенол. Овие многу убави масла одлично ја регенерирааат косата и меѓусебно се многу убаво искомбинирани. Еве погледнете го ефектот од самата маска врз косата нанесена по шампонирање (прво ја измив косата па потоа ја нанесов маската и ја држев 2 мин.)

3. Омекнувачка маска за коса (Silky Soft Hair Mask)

Според мене, оваа маска одговара само за оние девојки со многу густа коса или пак со виткана коса која е тешка за скротување. Има огромна омекнувачка моќ, така да доколу имате тенко влакно ептен ќе ви ја “сплеска“ ако може така да се изразам. Доколку вашата коса е густа или виткана, оваа маска е неизбежен дел од рутината за нега на косата бидејќи ја омекнува косата, ја прави полесна за расчешлување, дава сјај на косата и ја прави свиленкаста. Со еден збор спас за густа и нескротлива коса. Ајде да ја разгледаме декларацијата и на овој производ

Aqua/Water, Cetearyl Alcohol, Prunus Amygdalus Dulcis Oil/Sweet Almond Oil, Cetrimonium Chloride, Gossypium Herbaceum Seed Oil/Cottonseed Oil, Linum Usitatissimum Seed Extract/Linum Usitatissimum (Linseed) Seed Extract, D-panthenol, Behentrimonium Chloride, Parfum/Fragrance, Isopropyl Alcohol, Hydrolyzed Silk, Propylene Glycol, Ethylhexylglycerin, Propanediol, Sodium Phytate, Phenoxyethanol, Sodium Benzoate, Potassium Sorbate, Citric Acid.

Оваа маска содржи прекрасна комбинација на масло од бадеми со масло од памук, масло од ленено семе и екстракт од ленено семе. Исто така содржи екстракт од свила и пантенол. Навистина комбинацијата на состојките е одлична и еве доколку имате потенка коса а сепак сакате да ја користите ви советувам прво да ја нанесете маската а потоа да измиете со шампон. Во тој случај шампонот нема да успее да ја измие цела мска и дел од ефектот сепак ќе остане без да ја отежни косата. Еве го ефектот и од употебата на оваа маска пред шампонирање на косата (прво ја нанесов маската па ја измив косата).

Овие маски доаѓаат во прекрасно пакување од 100 гр. и имаат многу густа и убава структура. Дефинитивно вреди да се пробаат.

Драги мои, се надевам дека и оваа статија ви се допадна и дека ќе ги пробате маските за коса на Fancy Handy. Доколку е така, сетете се да оставите ваш коментар под самиот текст.

п.с. Косата е волку убаво исправена и мазна благодарение и на новата четка за исправување 5 во 1 која истовремено суши и ја исправува косата. Доколку сте заинтересирани ќе ви направам посебна статија или уште поубаво видео за употребата на оваа четка и сите додатоци кои ги содржи. Вие само изразете желба.

Ве гушкам
Вики